Jugend und Kulturzentrum SaJ.un

Informazioni Generali

SORVISC AI JOGN VAL BADIA
Le Sorvisc ai Jogn Val Badia é na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns. Le Sorvisc ai Jogn se dà jö con le laûr por y con i mituns y les mitans, i jogn y les jones de nosta valada. Dlungia chësc vëgnel inće adorè sciöche rapresentanza di interesc dla sozieté y dla politiga,sciöche inće por interlocutur por les ghiranzes di mituns y di jogn.

Nüsc compić
● Conzepì y coordiné proieć o plü avisa programms por mituns y jogn;
● Sovenzionè, acompagnè y sostignì i volontars y multiplicadûs dl laûr cun i jogn fora por i paîsc te vigni comun;
● sostegnì y daidé impara tla creaziun de grups di mituns y grups di jogn nüs
● organisé na sentada por organisé y coordiné na rëi che reverda le laûr cun i jogn.
● daidé y ccordiné i proieć y les manifestaziuns spezifiches che reverda i mituns y i jogn;
● se dé da fà por n laûr de publizité spezifich por i mituns y i jogn;
● dé consëis prò domandes burocratiches y iuridiches che reverda le laûr cun i jogn;
● ester de sorvisc sciöche mediadù por problems desvalîs che reverda le laûr cun i jogn;
● mëte a desposiziun de vigni sort de material informatîf y de vigni sort de injins.

Raiun de laȖr
Dl Raiun de laur dl Sorvisc ai Jogn Val Badia fej pert i cinch comuns dla Val Badia: Corvara, Badia, La Val, San Martin y Mareo sciöche inće les ploanies Corvara, Colfosch, San Ćiascian, La Ila, Badia, La Val, Rina,San Martin, Antermëia, Lungiarü, Al Plan y La Plí che fej pert dl teritore dl Comun.
Te cösc raiun ciara le Sorvisc ai Jogn da ti ji adincuntra ai debojëns y dejidëri dla jonëza con l'aüt de trëć volontars.

Strotöra y organisaziun
La organisaziun Sorvisc ai Jogn Val Badia manajëia cun le medemo inom l'isituziun por n sostëgn sussidiar por le laûr cun i jogn tla Val Badia. La forma iuridica é na organisaziun reconesciüda, che é portada ite tl register provinzial dles organisaziuns volontaries. L’organisaziun de rapresentanza é gnöda metöda sö l’ann1985 sot al inom “Sorvisc ai Jogn Val Badia” .

Statuć
Chîsc statuć y regolamënc regolëia l’organisaziun y les competënzes di organns desvalîs y di gremi tl organisaziun:

Finanzes
I mesi de finanziamënt por les spëises corëntes dl istituziun « Sorvisc ai Jogn Val Badia » vëgn portà inant por le 50% dal Ofize por le laûr por y cun la Jonëza dla Provinzia Autonoma da Balsan, por le 35% dai cinch Comuns Corvara, Badia, La Val, San Martin y Mareo y por le 15% dales ploanies dl Decanat dla Val Badia. La soma che resta vëgn trata ite da sponsors, spenöres y manifestaziuns organisades da nos instësc. I cosć por le personal y di colaboradus (colaboradus tl laûr cun i jogn, che é ingajà esplizitam ënter por le acompagnamënt de jënt jona ti locai di jogn di comuns desvalîs, vëgn paià por na pert dai Comuns interescià y por na pert dla Ofize por y con i jogn.